Билјана Дебарлиева со нова улога: Горда сум, ми овозможи да овековечам дел од мојата кариера

Билјана Дебарлиева безмалку секој ден имаме можност да ја гледаме на малите екрани, нешто што е случај веќе со години наназад.

Популарната Биле со својот шарм, непосредност и природна убавина, низ годините ја задржа својата автентичност пред гледачите, а со текот на времето како да подмладува.

За младешкиот изглед и за коментарите дека изгледа доста помлада од возраста, таа раскажува дека во поглед на негата нема нешто што посебно би го издвоила, освен оние вообичаени утрински и вечерни ритуали на нега на кожата со препарати што одговараат на нејзиниот тип кожа и на годините.

Дебарлиева својата кариера ја започна многу млада на Македонската телевизија, а оттогаш во нејзината кариера продолжи да работи на различни проекти. Брои скоро 30 години активна работа на телевизиските екрани.

По 11-годишниот ангажман во Канал 5 ТВ, Дебарлиева пред неколку месеци се префрли во ТВ 24 и ја води емисијата Фактор Здравје. Но, таа не мирува, па така овојпат сподели дека е дел и од нешто ново.

Горда што сум дел од “ТАЛИЈА”-театарска приказна, филм на Саше Серафимовски, сведок за 125 години театарска игра во Тетово.

Ти благодарам @serafimovskisase што ми овозможи и јас да овековечам дел од мојата професионална кариера во едно вакво ремек дело со трајни вредности!