Виничанец го однел на автомеханичар своето возило, па завршил со тешки повреди во болница
June 20, 2023
Доста несекојдневна несреќа бележи дневниот билтен на МВР, а за истата надлежните го информираат следново:
На 19.06.2023 во 15.35 часот во ОВР Кочани било пријавено дека околу 15.30 часот во автомеханичарска работилница во населбата Оризари, кочанско, со повреди се здобил В.С.(79) од Виница.
Увид на местото извршила увидна екипа на ОВР Кочани, при што било констатирано дека околу 15.30 часот во автомеханичарската работилница, Б.Д.(62) од Кочани стартувал товарно моторно возило, сопственост на В.С., кое било незакочено и веднаш тргнало, при што го удрило В.С.
Притоа, В.С. се здобил со тешка телесна повреда констатирана во болницата во Кочани. Се работи на расчистување на случајот.
