(ФОТО) Ги продаваат за солидна сума, а внатре тоалет и пакетче од кикирики – внимавајте од каде купувате комплет за прва помош
Тоалетна хартија, салфетки и обвивки од кикирики се работи кои дефинитивно не треба да ги има во комплет за прва помош. Особено кога ви треба.
Имено, ова непријатно изненадување го доживеал белграѓанец кој синоќа се обидел да му пружи прва помош на повреден велосипедист, извести Дамир Окановиќ од Комитетот за безбедност во сообраќајот.
– Во комплетот за прва помош нашол тоалетна хартија, салфетка, фолија за пакување кикирики – напиша тој на својот Твитер профил.
Окановиќ понатаму изјави дека „ќе следи кривична пријава и барање за повлекување од пазарот“, сепак, се чини дека тука има подлабок проблем.
Имено, сличен проблем се појави и во 2020 година, кога одредени медиуми го пренесоа искуството на извесна Наташа, која истата содржина ја нашла во комплетот за прва помош.
И тогаш, како и сега, веројатно проблем се комплетите за прва помош кои не се добиваат преку официјални добавувачи, туку се купуваат за нешто поевтина сума на битпазари или преку огласи.
На сајтовите за продажба од игла до локомотива, можете да најдете најмалку десетина огласи во кои се продаваат „неотпакувани“ комплети за прва помош по цена од 1.000 динари па нагоре.
-Сега ќе го отворам секој што ќе го купам – стои во еден од коментарите на објавата на Окановиќ.Казната за немање комплет за прва помош во автомобилот е 5.000 динари, а рокот на приборот е пет години.
