Зоран пронашол паричник на улица и возел 30 километри за да го врати – наместо благодарност, полиција му дошла на врата

Постапувањето чесно и вистинито секогаш се исплати. Сепак, колку и да се трудите, понекогаш вашите добри намери не се доволно ценети од другите луѓе, а во случај да имате слична судбина како еден Зоран, може да завршите во полиција поради чесноста.

Имено, Зоран од Хрватска на својот Твитер профил опиша ситуација која ќе го натера двапати да размисли што да прави следниот пат доколку на улица најде изгубен паричник. Затоа што поради еден што неодамна го нашол и добрата волја веднаш да му ја врати на мажот, на крајот имал проблеми.

„Најдов паричник, возев 30 км до адресата за да му го вратам на човекот, имав 40 до полиција, па сметам дека е поблиску. Типот сака да ми ја слика личната карта, јас не му ја давам. Тој го запишал бројот на регистарската табличка и поднел пријава во полиција поради сомнение за кражба на идентитет.

Дојдоа да ме земат во фирмата во 08:00 часот, побараа слики на телефон, земаа изјава и по четири часа го отфрлија сето тоа и ме пуштија да си одам дома. Ако во иднина најдам нешто од некого… пари во џеб, документи во ѓубре и збогум“, напиша тој.

Многумина во коментарите напишаа како поминале кога лично ги доставувале изгубените, кога пријавиле во полиција, но и кога стапиле во контакт со непознати лица, каде сакале да постапат чесно.