Србите кои патуваат кон Грција навалија на Дојран, ама не поради граничниот премин, туку поради друго

Србите паузираат во Дојран на патот кон Грција – и не сакаат да си заминат!
Насловна › Вести › Актуелно › Србите паузираат во Дојран на патот кон Грција – и…12.07.2024
Србите паузираат во Дојран на патот кон Грција – и не сакаат да си заминат!
Дојран, мало место со големо срце и богата историја, станува сè попопуларна дестинација за странските туристи.

Ова идилично место, скриено меѓу зеленилото и блескавите води на езерото, привлекува посетители од сите краишта на светот, кои, случајно или намерно, сакаат да ја искусат магијата на Дојран.

Туристите, особено оние кои доаѓаат од земји без природни водени површини, се восхитуваат од уникатната атмосфера на Дојран.

„Патувањето од Србија до Грција е долго и напорно, па одлучивме да преноќиме во Дојран. Секој чекор низ овие улици е како патување низ времето. Многу ни е убаво, а и децата се задоволни”, вели Марко, турист од Србија кој со своето семејство ужива во кратката пауза на своето патување.
Ова место е вистински бисер, додава тој.

„Езерото е прекрасно, а храната е извонредна. После долгиот пат, ова место ни нуди мир и спокојство. Воздухот е исполнет со мирис на свежина, а водите на езерото се чисти и топли. Не можам да замислам подобро место за одмор”, посочува Марко.

Храната е уште еден аспект кој ги остава туристите без зборови – традиционалните јадења, приготвени со свежи локални состојки, се вистинска почест за сетилата.