Македонците во Бугарија не запираат: Објавено што подготвуваат и тоа во градот Гоце Делчев

Наследниците на Александар Македонски се обидуваат да отворат приватен македонски културен клуб во бугарскиот град Гоце Делчев. Пред две недели во Благоевград, со многу тензии и ска ндали, беше откриен еден кој го носи името на Никола Вапцаров, објави денеска 24 Часа.

Според веб-изданието, локалните Македонци ќе изнајмат приватна соба. На хартија ќе го користат група граѓани, а нема да биде на име на здружението „Антички Македонци“.

Пред македонска радио станица во Австралија, лидерот на забранетата ОМО „Илинден“ – ПИРИН Стојко Стојков објасни дека се планирало да се отвори таков клуб кој би го носел името на „локален истакнат македонски деец“, но не прецизираше за кого станува збор.

Стојков објасни дека просториите нема да ги изнајмуваат „Антички Македонци“ за да не се направи проблем и да му биде избришана регистрацијата, а најверојатно со клубот ќе управува лидерот на здружението Иван Гаргавелов како приватно лице.

„Антички Македонци“ е здружение регистрирано во Агенцијата за регистрација на Бугарија во 2019 година, со 21 основач од Гоцеделчевско, на возраст главно меѓу 60 и 80 години.

Меѓу главните цели што ги поставува е истражување и проучување на историјата и културата на македонскиот народ од античко време. до денес, со научни докази за поврзаноста на античките и современите Македонци.