ВИДЕО: Палестинка сними како звучат и изгледаат ударите на Газа
Палестинската новинарка Плестија Алакад, која живее во Газа, објави серија видеа на кои се гледа како изгледаат израелските напади на крајбрежниот појас. Жестоките напади врз Газа се одмазда за Хамас по ненадејниот напад врз Израел минатиот викенд.
Алакад снимаше видео во куќата на нејзините соседи, а додека објаснуваше како обичните палестински семејства се справуваат со нападите, ја прекинаа силни експлозии.
Подоцна се јавила од нејзиниот стан. Таа покажа дека низ прозорецот речиси ништо не се гледа поради прашината и чадот. Таа рече дека не може да го отвори прозорецот бидејќи не може да дише.
На други видеа таа ги покажа последиците од бомбардирањето недалеку од нејзината зграда и луѓето во становите за време на бомбардирањето. Таа потоа ја снимила евакуацијата и хаосот на улиците.
Погледнете ја подолгата компилација од нејзините видеа, која ги вклучува и претходно споменатите сцени.
Во краткото интервју за Би-Би-Си, Плестија Алакад рече дека мисли дека нејзината зграда е безбедна, но вели дека ништо не е безбедно во Газа.
„Очекував одговор (на нападот на Хамас, оп.а.), но толку силен? Никој не го очекуваше“, рече таа.
„Стоевме на улица. Каде да се евакуираме? Оваа ситуација не е нормална. Буквално никаде не е безбедно“, рече таа.
Таа рече дека постојано се евакуираат од едно место на друго и дека во еден ден била евакуирана три пати. „Ситуацијата е само ужасна“, рече таа.
