Никола Груевски кажа за што единствено жалам што немал барем уште година две власт
На Никола Груевски во последно време му се отвори ракописот, па посотојано знае по нешто да напише и постира на својот фејсбук профил.
Па така беше и овојпат кога имаше што да каже, а во продолжение може да погледнете што кажа:
Со големи симпатии и уживање гледам на ентузијазмот на власта кога периодично раскажува за успесите во ТИРЗ-овите(економските слободни зони), за тоа колку нови работни места се отворени и колку нови дополнителни инвестиции се направени, како расте извозот од нив, платите итн.
Резултати кои доаѓаат главно од проширување со нивните следни предвидени фази на развој на оние фабрики кои ги донесовме и по нешто од некои нови кои ги бевме 90% дотерале пред завршни работи пред почеток на инвестиција.
Браво момци!!! Единствено жалам што немавме барем уште година-две да ги довршиме тогаш веќе регистрираните и започнати со градба ТИРЗ-ови и да дојдеа во нив барем првите една-две фабрики.
Такви беа ТИРЗ-овите во Радовиш, Гевгелија, Виница, Делчево, Берово, и Ранковце (како тромеѓе меѓу Куманово, Кратово и Кр.Паланка), добар дел од нив до пола инфраструктурно завршени, особено во делот на подземните инвестиции за функционирање на зоните (водовод и канализација). Овие шест споменати беа веќе со почнати градежни активности во нив, а со новата програма во 2017-2018 година беа предвидени и изградби на дополнителни ТИРЗ-ови во Куманово, Гостивар, Липково и Маврово-Ростуша.
Не само што сега и за таму ќе читавме слични соопштенија, туку многу луѓе немаше да се иселат од Македонија.
Наместо ова, и наместо на некое ридесто и за друго неупотребливо земјиште, земјиштето што го планиравме за индустриска зона во ТИРЗ Ранковце, и веќе имамвме рамнење и други градежни зафати на него, го пренамениле за поставување соларни панели каде можат да вработат максимум 1 (и со зборови: еден) вработен и постепено да му ја покачуваат платата, па евентуално на нацијата да и соопштуваат за тој успех.
