Киднапирана Македонка во Хрватска од домот на идниот сопруг: Се организирала нејзината мајка за да го спречи бракот

Х.Н.(57) имал задача да ја врати девојката, инаку негова внука во Македонија. Го ангажирал Х.А.(38) и насилно ја извлекле од куќата на нејзиниот несуден сопруг. Тие беа фатени од полицијата.

Само неколку дена пред планираната венчавка, Х.Н.(57) и Х.А.(38) упаднале во куќата на младенците и ја киднапирале несудената невеста. Како што неофицијално дознаваме, мотивот за киднапирањето е всушност несогласувањето на семејството на девојката со нејзиниот избор за иден сопруг.

Ова противење беше толку силно што не се дрзнаа да извршат криминално дело, сè со цел да го вратат девојчето кај нејзината мајка во Македонија. Девојката, внуката на Х.Н., била во врска со младиот човек околу две години и планирале наскоро да ја официјализираат. Нејзината мајка воопшто не можела да го прифати тоа и побарала од Х.Н. да ја врати во Македонија најбрзо што може.

За помош го ангажирал Х.А., а двајцата со автомобил се упатиле до куќата во која живеела девојката со нејзиниот иден избраник и неговото семејство. Нејзиниот вереник и неговиот татко се обиделе да ги спречат да ја земат, но не успеале. Затоа го снимиле комбето во кое Х.Н и Х.А ја киднапирале девојката и се` пријавиле во полиција.

Девојчето прво го донеле во нејзиниот стан во Нови Загреб да се пресоблече, бидејќи од дома ја извлекле буквално боса и во ноќница. Успеале да го сменат возилото, но не стигнале далеку бидејќи полицијата со брза реакција ги запрела во бегството.

Х.Н и Х.А во полиција биле пријавени за противправно лишување од слобода, а државното правобранителство по распитот побарало да им биде одреден притвор, што судот го прифатил. Тие го испратиле дуото во Ремитенец на еден месец за да не се обидуваат да влијаат врз сведоците или да го повторат делото. Неофицијално дознаваме дека причина за противењето на мајката на бракот наводно била националноста на идниот зет, пренесува 24сата.хр.