Има 17 деца и не планира да запре и покрај коментарите: Првите години летнаа во виор од пелени, но децата ни се благослов
„Еј, повторно се вративте!“ извика медицинската сестра кога една трудница пристигна во породилното одделение каде што веќе беше добро позната, не за втората или петтата, туку за нејзината 17-та бременост.
Имено, Пети и Карлос Хернандез од Северна Каролина во Америка никогаш немале намера да имаат толку деца, но како што тврдат не веруваат во употреба на никаква контрацепција, па сега имаат 17 деца.
Растејќи со двајца браќа и сестри, Пети отсекогаш сакала да биде мајка, па веднаш по средбата со нејзиниот иден сопруг Карлос, се обидела да има деца. Ѝ требаа две години да забремени со својот прв син Карлос Џуниор, кој сега има 14 години. По него, таа решила да остави работата да си оди.
„Но, после тоа едноставно не застанав“ – вели Пети. По Карлос дојде Кристофер (13), потоа близнаците Карла и Кејтлин (12), потоа ги пречекаа Кристијан (11), Селест (10), Кристина (9), близнаците Калвин и Кетрин (8), Керол (6), близнаците Кејлеб и Керолин (5), Камила (4), Шарлот (3), Кристал (2) и Клејтон (1).
“Тие први години летаа во виорот од пелени, храна и алишта. Сепак, веднаш почнав со мајчинството, а тетка ми ми помага со децата. Моите бремености и пораѓања на почетокот беа лесни, но сега сум постара, па се е малку потешко.
Мојата неодамнешна бременост беше најтешка. Се породив на 26 февруари годинава, по породување кое траеше 16 часа, рече таа, додавајќи дека нејзиниот сопруг Карлос никогаш не ја оставил. Тој како и секогаш ја поддржа и ја бодреше, а конечно пристигна и нивното момче Канан.
“Карлос и јас се шегувавме дека тоа што сме во болница е единственото време кога можеме да седнеме и да разговараме. Кога сите се вративме дома, постарите деца беа многу корисни, му менуваа пелени на Канан и го тешеа кога плачеше”, вели таа.
Во текот на денот таа останува дома и ги извршува домашните работи, додека Карлос оди на работа во нивната компанија чистејќи ги канцелариските простории.
Куќата со пет спални ја води како вое на операција бидејќи, како што вели, тоа е единствениот начин да се заврши се. Освен што работи дома и се грижи за сите деца, таа се грижи сите да играат и да бидат деца, бидејќи тоа е многу важно.
„Поголемиот дел од времето готвам и трошам околу 800 евра неделно на намирници. Како и сите други, имам лоши денови, кога сум исцрпена и само сакам малку време за себе, но со толку многу деца тоа едноставно не е можно.
Кога луѓето дознаваат дека имаме 17 деца, прашуваат зошто, а јас им велам дека се благослов. Некои брзо проценуваат, велат дека не им треба повеќе и дека треба да престанеме. Јас смирено одговарам дека сме многу среќно семејство, моите деца се љубезни и неверојатни, а јас и Карлос сакаме да ги гледаме како растат“, вели оваа мајка.
