(ФОТО) Игор Џамбазов ќе јаде вкусен леб – девојка му Илина се пофали што и успеало

Илина Арсова важи за една од најпознатите македонски ликовни уметници која воедно е и докажана скијачка и планинарка.

За нејзе е познато дека основното и средното образование ги завршила во Скопје, а во 2005 дипломирала на Факултетот за ликовна уметност на Универзитетот Св. Кирил и Методиј во Скопје, во класата на Рубенс Корубин и Јован Шумковски.

Во 2005 станува член на Друштвото на ликовни уметници на Македонија, а преку уметноста подолго време ги претставува загадувачките навики и човековите интервенции врз природата, обидувајќи преку визуелен креативен израз да допре и делува врз подигнување на еколошката свест кај народот.

Во 2008 година магистрирала на Јазици, бизнис и меѓународна трговија на Универзитетот Св Кирил и Методиј и Универзитетот Орлеан (Франција). Како ликовен уметник реализира над десет самостојни изложби во Македонија и во странство, а учествува на истакнати групни изложби и биеналиња.

Од 2006 година почнува посериозно да им се посветува на планинските спортови (планинарење, алпинизам, слободно скијање, летање, качување по карпи и планински велосипедизам).

Во периодот од 2006-2016, Илина Арсова успева да искачи пет од седумте највисоки врвови, на 5 различни континенти. Во 2013, по повеќемесечна подготовка, Илина Арсова станува првата жена Македонка која се искачува на Монт Еверест.

Дополнително интересна за јавноста стана откако беше објавено дека е во љубовна врска со нашиот познат шоумен Игор Џамбазов.

Инаку, Илина се наоѓа во Ноксвил, Тенеси каде добила престижна стипендија за докторски студии и инструкторска позиција на Универзитетот од Тенеси.

Таа на нејзиниот Инстаграм профил оттаму се пофали: Го испеков мојот прв леб, а алармот не се вклучи. Многу сум горда!