Милионер бара асистент за патување: Плата 35.000 долари, искуство не е потребно, а има само еден услов
Инфлуенсерот и милионер Метју Лепре (30) објави оглас во кој бара личен асистент кој ќе го пропатува светот со него и ќе биде добро платен за тоа.
Претприемачот кој има сопствен бизнис со е-трговија патувал во повеќе од 30 земји во последните пет години и сега бара личен асистент кој ќе му помогне во администрацијата.
„Патував без престан, се среќавав со клучни клиенти, им помагав да го развијат својот бизнис. Ја барам вистинската личност да биде мојата десна рака и да ми помогне на моите патувања“, рече тој во изјавата, пренесува Дејли Меил.
Иако нагласува дека не е потребно претходно искуство, потенцијалниот кандидат мора да има страст за патување, флексибилен распоред и силно внимание на деталите. Лепре додаде дека сопственото тешко воспитување го инспирирало да им помага на другите и се надева дека ова е можност што ќе му го оствари сонот на некоја среќна личност.
“Би сакал да направам некого среќен. Решив да им покажам на другите дека можам да им ја променам воспоставената секојдневна работна рутина, и да им го дадам животот и флексибилноста за кои сонуваат”, откри тој.
Мет уште во 2020 година објави отворен конкурс за позицијата свој виртуелен личен асистент во Австралија, кој би имал плата од 52 илјади долари годишно, а би работел целосно од дома. Лепре, кој е основач на компанијата Ecom Warrior Academy, беше тажен кога слушна дека еден милион Австралијци ги загубија своите работни места од избувнувањето на пандемијата на коронавирус, па сакаше да помогне.
„Пораснав во западните предградија на Сиднеј потпирајќи се на оброците на Армијата на спасот бидејќи мојата самохрана мајка не можеше да си дозволи намирници, па за жал можам да се соочам со тешките времиња со кои се соочуваат луѓето. Најмалку што можам да направам е да дадам работа на некој кој можеби е без работа во моментов и сака да работи од дома“, додаде тој.
Претприемачот, кој заработува 120.000 долари месечно од своите четири успешни бизниси, просеал 70.000 апликации пред да го вработи поранешниот студент по мода.Сè што е потребно е да пополните формулар на неговата веб-страница со вашите основни информации, а судејќи според дадениот датум за ажурирање (6 септември), огласот е сè уште актуелен.
