Поскапо од „суво злато“ – килограм од ова сирење е 1000 евра – еве зошто ова сирење е толку специјално и скапо

Најскапото сирење во светот се прави од најскапото млеко во светот – магарешкото млеко. Килограм чини 1.000 евра и се произведува на балканот.

Посебен е поради околностите на неговото создавање, вкусот и составот што го прават скапоцен. Тоа е препознаено во светот.

Магарешкото млеко се произведува во Специјалниот природен резерват „Засавица“, каде што овие мирни и милени животни живеат и пасат на тревата од најубавите пасишта.

Според Слободан Симиќ, директор на Специјалниот природен резерват, во „Засавица“ има околу 300 молзечки магариња кои го обезбедуваат ова „богатство“ и ја прават Србија светски позната по него.

Како што вели Слободан, магарињата се прекрасни и мирни животни кои се заситуваат со малку храна, па доволно им е и пасењето.

За количеството млеко кое го дава една крава во еден ден, на магарето му требаат околу три месеци. Магарињата имаат мали вимиња и можат да се молзат само со рака. Еден литар од ова млеко во Србија чини 40 евра.

Освен тоа, оние кои го пробуваат велат дека има многу посебен вкус, сладок, но не премногу сладок.

Како што објаснува Слободан, феноменот на магарешкото млеко е тоа што е апсолутно слично на човечкото или мајчиното млеко.