Никола Груевски: Со оглед дека многу мои пријатели ме прашуваат дали е тоа точно, па еве ќе ви кажам

Некогашниот премиер на Македонија и долги години лидер на ВМРО ДПМНЕ, Никола Груевски пак се огласи, повторно преку социјалните мрежи, поточно фејсбук каде напиша:

Дознав дека деновиве на некој медиум имало изјава од поранешен заменик министер за локална самоуправа дека луѓе од СДСМ дошле кај мене во Будимпешта и барале подршка за двотретинско мнозинство за промени на уставот, во замена за прекин на политичкиот прогон, и дека јас тоа сум го одбил.

Ме известија и дека таа изјава станала вирална на социјалните мрежи.Иако ваквите лажни вести и шпекулации најчесто ги игнорирам бидејќи од различен тип ги има скоро секој ден, со оглед дека многу мои пријатели ме прашуваат дали е тоа точно, информирам дека никој од СДСМ не дошол кај мене да бара било што.

Лажна вест!Штета што во Македонија не се случува ништо паметно, сериозно и убаво што би било тема за јавна дискусија, па лажните вести често поврзани и со моето име, се главно мени во јавниот дискурс и таквите стануваат вест за која со денови се дискутира.