Радовишанка остана без нов автомобил, мотор и лаптоп од наградна игра – поништено извлекувањето а причината е сестра и

Финалното извлекување од Големата Наградна игра за 2023 година на „БЕНЗОИЛ“ кое се одржа денеска, а во кое беа извлечени пет награди делумно се поништува, информираше пред малку менаџерот на бензинските станици, Ване Атанасов.

Добитник на последните три награди, лаптоп, мотор и главната награда автомобил „Volkswagen Polo“ беше Матилда Ристова од Радовиш.

Прво се поверува дека е чиста среќа, но како што информираше Атанасов, при проверка и анализирање на фискалните сметки се констатира дека вработена на една од бензинските станици на „БЕНЗОИЛ“, (сестра на добитничката Матилда) има вметнато поголем број фискални сметки на име на Матилда Ристова и поради тоа од компанијата одлучија да ги прогласи за неважечки.

Извлекувањето делумно ќе се повтори по новогодишните празници за трите награди лаптоп, мотор и автомобил „Volkswagen Polo“, а добитниците на таблет, Леон Рујков и на велосипед Ангел Ѓоргев наградите ќе можат да си ги подигнат на бензинската станица на „БЕНЗОИЛ“, пренесува Струмицанет.