Ведрана на само 18 години започнала бизнис со земјоделство, а денес е инспирација за многумина: Чудно им е што жена со лакирани нокти вози трактор
Иако денес многу луѓе би рекле за младата генерација дека работата на нива ја замениле со кафулиња, се чини дека би згрешиле со ваквиот опис за една Ведрана.
Симпатична 26-годишна девојка која кога ја запознале неа на улица, на почетокот не би погодиле што работи во животот. А таа, возејќи трактор, зад себе има долгогодишно земјоделско искуство.
Имено, Ведрана Полетар од Ласлов кај Осиек во Хрватска, убаво девојче со ситна градба, додека трепнеш, скока во својот трактор, го стартува и вози во полето. Иако има само 26 години, оваа девојка веќе има осумгодишно земјоделско искуство.
„Веќе не се сметам за млад земјоделец“, се пошегува 26-годишната Ведрана, која обработува 24 хектари плодна земја.
Прво завршила трговско училиште, а потоа се преквалификувала како општ земјоделски техничар. Љубовта кон земјоделството во неа тлеела уште од мали нозе, а имала како што вели совршени модели.
„Тато беше иницијатор на идејата да се занимавам со земјоделство. Се разбира, тоа не беше мој план, но со татко ми се заљубив во овој бизнис.
Кога му се придружив, тој веќе десет години одгледуваше житарки. Отворив земјоделска фарма во ноември 2015 година и како млад земјоделец добив државна стимулација“, изјави таа за „Вечерњи лист“.
Свесна е дека на машката популација ѝ е чудно што негувана жена, со лакирани нокти и долга руса коса, вози трактор и ја обработува земјата. Но, Ведрана не само што вози трактор од средно училиште, туку и самата го купила, со помош на европските фондови.
„Колку време ми требаше да научам да возам трактор? Две минути. Го возам од средно, џојстик е, се е модернизирано. Планирам да купам уште подобар и помодерен трактор каде што само притисни копче и ќе се управува правилно“, изјави Ведрана за Вечерњи лист.
Ведрана е инспирација и за другите жени кои сонуваат за сопствен бизнис во земјоделството, но можеби немаат доволно храброст да се впуштат во таа авантура.
