Митко Јанчев откри колку ја платил Лепа Брена, па кажа зошто не се сликал со нејзе

Минатиот месец како што е познато како главна ѕвезда на ,,Тиквешки гроздобер 2023” настапи срспката и балканска ѕвезда Лепа Брена.

Таа направи одлична забава и атмосфера помеѓу присутните и нејзиниот настап долго ќе се памети.

На последната седница на Општина Кавадарци тема беше токму организацијата на настанот и трошоците кои што се имале, а на таа тема се огласи првиот човек на општината, Митко Јанчев.

„Најскап наш уметник беше Цеца, извинете Лепа Брена, умот ми е во Цеца. И не е тајна, сега да не го рекламираме, ама Дино Мерлин ни бара 140.000 евра. Кој сака нека го донесе, тоа е пазар, цената ја пишува и е таа. Тие работи не се кријат, се знае ценовникот.

Не може сега да кажете дека Лепа Брена ја плативме 50.000 евра. Не, туку 30.000 евра, плус 10 посто персоналец, таа е цената на жената. Исто е и со Цеца

Сите кренаа галама никој не се слика со Лепа Брена. Но не сакаше да се слика, жената не сакаше да се слика. Ниту со мене не сакаше да се слика, не дека и ја сакав. Но тоа и беше ставот, менаџерот кажа нема да се слика, нема да прифати ни китка, ни ружа“, вели Митко.