Работи 40 часа неделно и кога ќе ги плати сите сметки и остануваат 350 денари за живот: Низ солзи раскажува како преживува

Канаѓанка низ солзи раскажува колку е очајна затоа што по 40 часа работа неделно не и остануваат пари ниту за најосновните работи.

Нејзиното признание го сруши митот дека „туѓата трева е секогаш позелена“ и го покрена прашањето за животниот стандард во далечните земји кои можеби ги сметавме за многу подобри од оние во кои живееме.

Како што навела во своето видео објавено на социјалните мрежи, нејзината плата е 21 долар на час (81 динар), а на крајот не и остануваат пари ниту за најосновните работи.

– Економијата е целосно зафркната. Работам со полно работно време и добивам плата од 21 долар на час. 40 часа работа неделно и немам дополнителни трошоци.

Имам една кредитна картичка и тоа е тоа. Немам кабловска 10 години. Имам мобилен телефон, но тоа е дел од животот. Освен тоа, немам ништо дополнително.

На хартија, моите сметки се 2.701 долар. Мојот приход е 2.710 долари. Направете ја математиката. Имам 9 долари месечно – рече таа видно потресена.

Како што додава, тоа е пресметка пред да плати храна, бензин, евентуална поправка на автомобил, каква било забава…нема пари за ништо од тоа.

– Девет долари за храна, исто девет долари за осигурување… На крајот на денот сум јас. Истата личност која работела осум и пол часа дневно, знаејќи дека тоа нема да биде доволно – заклучила со клетва упатена кон нејзиниот град Онтарио.